Саяхан 25 дахь түрүүгээ итгэл төгс авсан Асашёорюү Дагвадорж аварга маань башёгийн дундуур архи уун хөлчүүрхэж улмаар хувийнхаа менежерт гар хүрсэн хэргээр сумогийн холбооноос хатуухан зэмлэл авч, 5 дахь сануулгаа авсан билээ. Тэгвэл өчигдөр Асагийн асуудал бүр хүндэрсэн байна. Домогт их аварга маань сумогийн түүхэнд гурав дахь амжилтын эзэн болж 25 дахь түрүүгээ авсны дараа холбооноос хүнд гар хүрсэн хэрэгтээ уучлалт гуйсан бөгөөд сумогийн холбоо ч тэгэсгээд өнгөрүүлэх гэсэн билээ.

Гэхдээ тус хурлаар сумогийн холбооны хоёр ч хүн аваргыг хөөх тухай санал гаргаж байсныг онцлон дурдъя.

Өчигдөр Японы бүх хэвлэл мэдээлэлээр Асагийн тухай мэдээлэл хөвөрсөн бөгөөд учир шалтгаан нь түүнд зодуулсан гэх залуу нь түүний хувийн менежер нь биш Асагийн орсон баарны ажилтан залуу байсан бололтой. Нүүрэндээ цохиулж гэмтэл авсан гэх тус залуу 25-нд цагдаагийн газарт очиж гомдол мэдүүлсэн бөгөөд хэрвээ асуудал бүр хүндэрвэл их аварга маань баривчлагдаж болох юм байна.

Баарны ажилтан гэх тус залуу их аваргыг уучлалт гуйгаад өнгөрсөн бол хэргийг зүгээр хувийн асуудал болгон өнгөрөөх бодолтой байсан бололтой. Харин аварга маань уучлалт гуйх нь битгий хэл өөрийн хувийн менежерээ түлхсэн хэмээн мэдүүлж асуудлыг намжаахыг оролдсон нь тус залуугийн эгдүүг хөдөлгөсөн байна. Аса аварга урьд нь гэмтэлтэй байж хөлбөмбөг тоглосныхоо шанд 3 башё сумогийн дэвжээг өнжиж байсан удаатай. Тэгвэл энэ удаа бөмбөг биш хүнд гар хүрэв. Яаж шийтгэдэг юм бол доо? одоо.

Сэтгэгдэлүүд (2)